იტალიური “ნაპოლი” და ბელგიელი ფეხბურთელი დრის მერტენსი თანამშრომლობას აგრძელებენ. როგორც “კორიერე დელო სპორტი” გვამცნობს, 29 წლის შემტევი “სან პაოლოზე” ახალი კონტრაქტის თანახმად 2020 წლის 30 ივნისამდე დარჩება. ხელშეკრულება ოფიციალურად 7 იანვარს დადასტურდება.
წყაროს ცნობით, ახალი კონტრაქტის ძალით მერტენსის მსურველ გუნდს “ნაპოლისთვის” 40 მილიონი ევროს გადახდა მოუწევს.
დრის მერტენსი იტალიაში 2013 წელს ჰოლანდიური პსვ-დან გადაბარგდა. მიმდინარე სეზონი კი, მის კარიერაში საუკეთესოა – ბელგიელმა წლეულს ყველა ტურნირზე ჩატარებულ 22 თამაშში 15 გოლის გატანა შესძლო.
