ბრაზილიის საფეხბურთო კლუბ “შაპეკოენსეს”, რომელიც მსოფლიოს ყურადღების ცენტრშია, ახალი მთავარი მწვრთნელი ჰყავს. როგორც გუნდის ვებგვერდი იტყობინება, ამიერიდან “შაპეს” ვაგნერ მანსინი გაწვრთნის.

მანსინი სამშობლოში მუშაობდა ძირითადად და თავის დროზე გაუწვრთნია ისეთი გუნდები, როგორებიც “გრემიო”, “კრუზეირო”, “სანტოსი”, “ვასკო და გამა” და “ბოტაფოგოა”.

შეგახსენებთ, 28 ნოემბერს, “შაპეკოენსეს” თვითმფირნავმა ავიაკატასტროფა განიცადა, რასაც გუნდის 19 ფეხბურთელი და სამწვრთნელო შტაბის წევრები შეეწირნენ. ამჟამად, ოფიციალურად “შაპეკოენსეს” რიგებში მხოლოდ 6 ფეხბურთელი ირიცხება.