დაიწყო საერთაშორისო სტუდენტური საკალათბურთო ლიგის მეორე ტური, რომელსაც თბილისის ახალი სპორტის სასახლე მასპინძლობს.

ოთხგუნდა ჩემპიონატის პირველ შეხვედრაში საქართველოს ტექნიკური უნივერსიტეტის გუნდი ურალის (რუსეთი) ფედერალური უნივერსიტეტის წარმომადგენლებს დაუპირისპირდა და 75:69 მოუგო. მასპინძელთა მხრიდან ყველაზე შედეგიანები სანდრო სანაძე და დავით ლომიძე იყვნენ, რომლებმაც 15-15 ქულა დააგროვეს.

მეორე შეხვედრაში მოსკოვის ფიზკულტურის სახელმწიფო აკადემიის გუნდმა აზერბაიჯანის 18 წლამდელთა ნაკრები გამანადგურებელი ანგარიშით 84:26 დაამარცხა.

სტუ მეორე შეხვედრას აზერბაიჯანელთა წინააღმდეგ ჩაატარებს, ხოლო რუსეთის გუნდები ერთმანეთს შეხვდებიან.