კატალონიის "ბარსელონას" მთავარმა მწვრთნელმა ლუის ენრიკემ "გრანადასთან" მოგებული (1:0) ლა ლიგის მე-10 ტურის მატჩის შემდეგ განაცხადა, რომ რაფინიას გოლმა არ გააკვირვა.
"რაფინიას გოლი არ გამკვირვებია. იგი მეკარის საჯარიმოში ხშირად ხვდება ხოლმე და საშიშია. გოლი სანახავად კარგი იყო. ბრწყინვალე მატჩი გამოვიდა, თუმცა ასეთ დაძაბულ შეხვედრას არ ველოდით. ძალიან ორგანიზებულ გუნდს ვეთამაშეთ და ჩვენ ფიზიკური მომზადება გვაკლდა." - ციტირებს "ბარსელონას" ოფიციალური ვებგვერდი ესპანელის სიტყვებს.
რაფინიამ მიმდინარე სეზონში კარში ზუსტად 6-ჯერ დაარტყა და აქედან 5 გოლი გაიტანა. ამ გამარჯვებით "ბარსელონას" 22 ქულა დაუგროვდა და ლიდერ მადრიდის "რეალს" ორი ქულით ჩამორჩება.
