მილანის “ინტერნაციონალემ” გუნდის კაპიტან მაურო იკარდის ახალი კონტრაქტი გაუფორმა. როგორც “ნერაძურის” ვებგვერდი იტყობინება, 25 წლის ფეხბურთელი “სან სიროზე” ახალი შეთანხმების საფუძველზე 2021 წლის 30 ივნისამდე დარჩება.

“არასდროს მიფიქრია “ინტერიდან” წასვლაზე. ძალიან ბედნიერი ვიქნები, თუ ამ გუნდის ლეგენდა გავხდები”, - განაცხადა იკარდიმ.

არგენტინელი ფორვარდი “ინტერში” 2013 წლიდან მოყოლებული თამაშობს და დღემდე შავ-ლურჯი მაისურით ჩატარებულ 131 შეხვედრაში 63 გოლის გატანა შესძლო.