საქართველოს 21-წლამდე ფეხბურთელთა ნაკრები ევროპის ჩემპიონატის შესარჩევი ტურნირის დასკვნით მატჩს 6 სექტემბერს ზესტაფონში გამართავს. გია გეგუჩაძის გუნდის მეტოქე ჯგუფის ლიდერი ხორვატიის ნაკრებია.
საქართველოს ფეხბურთის ფედერაციის პრესსამსახურის ცნობით, თამაში დავით აბაშიძის სახელობის სტადიონზე 19:30 საათზე დაიწყება და გულშემატკივრები მატჩზე დასწრებას უფასოდ შეძლებენ.
საქართველოს ახალგაზრდული ნაკრები მე-6 ჯგუფში 9 თამაშში მოპოვებული 12 ქულით მეოთხე ადგილზე იმყოფება.
| 1. | ხორვატია | 8 | 6 | 1 | 1 | 20:5 | 19 | |
| 2. | შვედეთი | 7 | 5 | 2 | 0 | 16:4 | 17 | |
| 3. | ესპანეთი | 7 | 5 | 1 | 1 | 22:8 | 16 | |
| 4. | საქართველო | 9 | 4 | 0 | 5 | 15:15 | 12 | |
| 5. | ესტონეთი | 8 | 1 | 1 | 6 | 3:18 | 4 | |
| 6. | სან მარინო | 9 | 0 | 1 | 8 | 1:27 | 1 |
