პორტუგალიის ეროვნული ნაკრების და მადრიდის "რეალის" თავდამსხმელმა კრიშტიანუ რონალდუმ ინსტაგრამის გვერდზე დაანონსა, რომ მოედანს მალე დაუბრუნდება. ევროპის ჩემპიონი და გასული სეზონის საუკეთესო ფეხბურთელი დიდი ალბათობით "ოსასუნასთან" 10 სექტემბერს გასამართი ლა ლიგის მესამე ტურის მატჩში დაბრუნდება.
რონალდუმ ფეხის დაზიანება ევრო 2016-ის ფინალში მიიღო და მას შემდეგ სარეაბილიტაციო ეტაპს გადის. ფეხბურთელმა გიბრალტართან ამხანაგურ მატჩში მონაწილეობა ვერ მიიღო და ეროვნულ გუნდს ვერც მსოფლიოს ჩემპიონატის საკვალიფიკაციო ეტაპის პირველ შეხვედრაში დაეხმარება.
