პოლ პოგბა “მანჩესტერ იუნაიტედში” დაბრუნებით ბედნიერია. როგორც 23 წლის ფრანგმა “იუნაიტედის” ტელევიზიასთან საუბრისას განაცხადა, “ოლდ ტრაფორდზე” ჩემპიონთა ლიგისა და “ოქროს ბურთის” მოგება უნდა, თუმცა, მანამდე პრემიერლიგის.

“ბევრი ვესაუბრე მადრიდში ყოფნის დროს ალვარო მორატასა და რაფაელ ვარანს – მათ მითხრეს, რომ ჟოზე მოურინიო ჩემთვის იდეალური მწვრთნელი იქნებოდა, რომელიც ბევრს იშრომებდა ჩემთან ერთად და უფრო მოვუმატებდი მის ხელში. მინდა, რომ პრემიერლიგა ამ სეზონშივე მოვიგო, მაგრამ მთავარი მიზანი ჩემპიონთა ლიგაზე გამარჯვებაა. პერსონალურად, რა თქმა უნდა, “ოქროს ბურთის” მოგება მსურს და იმედია მომავალში ასეც მოხდება. თუმცა, მანამდე, ბევრი უნდა ვივარჯიშო და ტიტულები მოვიგო.

რა შეიცვალა 4 წლის შემდეგ? – ახლა უფრო გამოცდილი ვარ. “იუვენტუსთან” ერთად ტიტულები მოვიგე, ვითამაშე უდიდესი ფეხბურთელების გვერდით. ამჟამად არ მოვსულვარ გუნდის აკადემიაში, ახლა ფეხბურთელი ვარ დიდი გამოცდილებით. ესაა ყველაზე დიდი განსხვავება”, - თქვა პოგბამ წარდგენისას.

შეგახსენებთ, პოგბა “მანჩესტერში” 4 წლის შემდეგ დაბრუნდა 110 მილიონი ევროს სანაცვლოდ, ეს კი, ფეხბურთის ისტორიაში ყველაზე ძვირადღირებული ტრანსფერია.