იტალიურმა “მილანმა” 23 წლის პარაგვაელი მცველი გუსტავო გომესი დაიმატა. ამის შესახებ “როსონერის” ვებგვერდი ოფიციალურად იუწყება. ლომბარდიულ გრანდს აღნიშნული ტრანსფერი 8 მილიონი ევრო დაუჯდა, ხოლო თავად ფეხბურთელმა კლუბთან 5-წლიანი კონტრაქტი გააფორმა.
“ძალიან კმაყოფილი ვარ იმით, რომ “მილანში” ვითამაშებ. მწვრთნელის განკარგულებაში მომდევნო კვირიდან ვიქნები. ეს ტრანსფერი ძალზე სწრაფად გაიჩარხა – სამ დღეში”, - თქვა გომესმა.
პარაგვაის ნაკრების უკანახაზელი ბოლო ორი წლის განმავლობაში არგენტინულ “ლანუსში” თამაშობდა, მანამდე კი მშობლიურ “ლიბერტადში” ირჯებოდა. გუსტავო გომესი ჯანლუკა ლაპადულას შემდეგ “მილანის” მეორე ახალწვეულია მიმდინარე ზაფხულში.
