საქართველოს კადეტ ძიუდოისტთა ნაკრებმა ევროპის ჩემპიონატის პირველ დღეს 2 მედალი მოიპოვა. 60 კგ. წონით კატეგორიაში ვერცხლის მედლის მფლობელი საბა გრიგალაშვილი გახდა, რომელმაც 4 შეხვედრის მოგების შემდეგ მხოლოდ ფინალი დათმო, ხოლო ბრინჯაოს მედალი 66 კგ-ში ალეკო მამიაშვილმა დაისაკუთრა.

მესამე ადგილისთვის შეხვედრა წააგო ნატალია ყიფშიძემ (48კგ). მათ გარდა გუშინ საქართველოს ნაკრებიდან ოთარ ტალახაშვილმა (-55კგ) და ნინო მგელაძემ (-52კგ) იჭიდავეს, თუმცა, კვარცხლებკზე ასვლა ვერ მოახერხეს. 2 ივლისს ტატამზე ვაჟთა ნაკრების – 7, ხოლო გოგონათა ნაკრების 6 წევრი გავა.