ბრაზილიის ეროვნული ნაკრების შემტევმა ნეიმარმა “ბარსელონასთან” ხელშეკრულება გაახანგრძლივა. კატალონიური კლუბის ოფიციალური ვებგვერდის ცნობით, მხარეებს შორის გაფორმებული ახალი კონტრაქტი 5 წელიწადზეა გათვლილი და ძალაში 2021 წლამდე იქნება. ხელშეკრულებაში გათვალისწინებულია ბრაზილიელი ფეხბურთელის გამოსასყიდი თანხა, რომელიც კონტრაქტის პირველ წელს 200 მილიონი ევროთი განისაზღვრა, მეორე წელს 222 მილიონი, ხოლო მომდევნო სამი წლის განმავლობაში 250 მილიონი.

ნეიმარი “ბარსელონას” ღირსებას 2013 წლიდან იცავს. გასულ სეზონში 24 წლის ფორვარდმა ყველა ტურნირზე კატალონიელთა მაისურით 53 მატჩი ჩაატარა, 31 გოლი გაიტანა და 16 საგოლე გადაცემა შეასრულა.