ირლანდიის ეროვნული ნაკრების ცენტრალურმა ნახევარმცველმა დარონ გიბსონმა "ევერტონთან" კონტრაქტი 2018 წლის ივლისამდე გაახანგრძლივა. აღნიშნული ინფორმაცია ლივერპულელთა ოფიციალურმა ვებგვერდმა დაადასტურა.

"მანჩესტერ იუნაიტედის" აკადემიის აღზრდილი ფეხბურთელი "ევერტონში" 2012 წლის იანვარში გადავიდა. გასულ სეზონში ნახევარმცველმა ტრავმის გამო თითქმის მთლიანი სეზონი გამოტოვა და პრემიერლიგის 7 მატჩში მიიღო მონაწილეობა, თავი კი 1 საგოლე გადაცემით გამოიჩინა.