7 ივნისს, სამტრედია-ლანჩხუთის მონაკვეთზე მოხდა ავტოსაგზაო შემთხვევა, სადაც გორის „დილას“ ფეხბურთელმა გიორგი თექთურმანიძემ მძიმე დაზიანება მიიღო, რის შემდეგაც იგი გადაყვანილ იქნა ქუთაისში, ხოლო გვიან ღამით გიორგი უკვე თბილისის ღუდუშაურის საავადმყოფოში განათავსეს.
როგორც ექიმებმა განაცხადეს, ფეხბურთელი ამ დროისთვის კომატოზურ მდგომარეობაში იმყოფება და მისი მდგომარეობა სტაბილურად მძიმეა.
გორის „დილას“ ხელმძღვანელობა, სამწვრთნელო შტაბი და ფეხბურთელები გიორგის მალე გამოჯანმრთელებას უსურვებენ.
„დილას“ პრესსამსახური