ამერიკის შეერთებული შტატების მტავარმა მწვრთნელმა იურგენ კლინსმანმა 2016 წლის კოპა ამერიკის საიუბილეო ტურნირისთვის 23 კაციანი შემადგენლობა დაასახელა. გერმანელმა სპეციალისტის შეგირდები ტურნირამდე ამხანაგურ მატჩებს პუერტო რიკოს, ეკვადორის და ბოლოვიის წინააღმდეგ გამართავენ.

კოპა ამერიკაზე კი აშშ-ს ნაკრების მეტოქეები ჯგუფურ ეტაპზე კოლუმბია, კოსტა რიკა და პარაგვაი იქნებიან. აშშ-ს ფეხბურთის ფედერაციის ოფიციალური ვებგვერდის ინფორმაციით, კლინსმანის რჩეულთა სია შემდეგნაირად გამოიყურება:

მეკარეები: ბრედ გუზანი ("ასტონ ვილა"), ტიმ ჰოვარდი ("კოლორადო"), ეტან ჰორვატი ("მიოლდე")

მცველები: მეტ ბესლერი ("სპორტინგ კანზას-სიტი"), სტივ ბირნბაუმი ("დი-სი-იუნაიტედი"), ჯონ ბრუკსი ("ჰერტა"), ჯეფ კემერონი ("სტოკი"), ტიმი ჩენდლერი ("აინტრახტი"), ფაბიან ჯონსონი ("გლადბახი"), მაიკლ ოროსკო ("ტიხუანა"), დეანდრე იედლინი ("ტოტენჰემი").

ნახევარმცველები/შემტევები: კაილ ბეკერმანი ("რეალ სოლტ-ლეიკი"), ალეხანდრო ბედოია ("ნანტი"), მაიკლ ბრედლი ("ტორონტო"), კლინტ დემპსი ("სიეტლ საუნდერსი"), ჯერმეინ ჯონსი ("კოლორადო"), პერი კიტჩენი ("ჰართსი"), დარინგტონ ნაგბე ("პორტლენდი"), კრისტიან პულიშიჩი ("დორტმუნდი"), კრის ვონდოლოვსკი ("სან-ხოსე"), ბობი ვუდი ("ჰამბურგი"), გიასი ზარდესი ("ლოს-ანჯელეს გალაქსი"), გრეჰემ ზუსი ("სპორტინგ კანზას-სიტი").