"მანჩესტერ სიტის" მთავარი მწვრთნელი მანუელ პელეგრინი შესაძლოა მომდევნო სეზონიდან" ევერტონის" თავკაცად ვიხილოთ. როგორც Daily Mail-ი იუწყება, ჩილელ სპეციალისტს ლივერპულის გუნდის გაწვრთნა სურს.
"ევერტონი" სეზონის ბოლოს რობერტო მარტინესის გაშვებას გეგმავს. სამხრეთამერიკელი მწვრთნელი კი ოფიციალურად "ქალაქელებს" სეზონის ბოლოს დატოვებს. პელეგრინიმ ერთ-ერთ ინტერვიუში განაცხადა, რომ სამუშაოდ ინგლისში დარჩენა უნდა.
მანუელმა "სიტი" 2013 წლის ივნისში ჩაიბარა. მას შემდეგ მანჩესტერელებმა 165 მატჩი ჩაატარეს, აქედან 101 მოიგეს, 26 ფრედ დაასრულეს, ხოლო 38 შეხვედრაში დამარცხდნენ.
