ესპანეთის ჩემპიონატის 37-ე ტურის ერთ-ერთი ცენტრალური შეხვედრა "სანტიაგო ბერნაბეუზე" გაიმართება, სადაც ადგილობრივი "რეალი" "ვალენსიას" დაუპირისპირდება.

მადრიდელებს ტრავმების გამო დანიელ კარვახალი, გარეტ ბეილი და კეილორ ნავასი დააკლდებიან. სამაგიეროდ, კასემირო და ქარიმ ბენზემა დაუბრუნდათ, რომელთაც დაზიანების გამო "მანჩესტერ სიტისთან" მოგებული (1:0) შეხვედრა გამოტოვეს.

რაც შეეხება სტუმართა დანაკლისს, "ღამურები" დენის ჩერიშევს, სოფიან ფეგულისა და ხოსე ლუის გაიას მოისაკლისებენ.

"რეალის" განაცხადი:

მეკარეები: კასილია, იენიზი, კრანინქსი;
მცველები: რამოსი, პეპე, ვარანი, ნაჩო, არბელოა, დანილო, მარსელო;
ნახევარმცველები: კასემირო, კროოსი, ისკო, ხამესი, კოვაჩიჩი, მოდრიჩი;
თავდამსხმელები: რონალდუ, ბენზემა, ვაზკესი, ხესე.

"ვალენსიას" განაცხადი:

მეკარეები: ალვეში, რაიანი;
მცველები: ვეზო, აბდენური, სანტოსი, მუსტაფი, სიკეირა, კანსელო, ბარაგანი;
ნახევარმცველები: ბარბოსა, ფუეგო, გომეში, ე.პერესი, პარეხო, პიატი;
თავდამსხმელები: როდრიგო, მინა, ალკასერი, ნეგრედო.