გიორგი შერმადინმა ესპანეთის ჩემპიონატის მორიგ ტურში ორმაგი დუბლი შეასრულა, გუნდში საუკეთესო შედეგიც დააფიქსირა, თუმცა „ანდორა“ მაინც დამარცხდა. ჯუჯა სახელმწიფოს გუნდმა, რომელიც ესპანეთის პრიმერა დივიზიონში ასპარეზობს, მადრიდის „ფუენლაბრადას“ უმასპინძლა და 9 ქულით – 80:89 დამარცხდა.

ქართველი ცენტრი სასტარტო ხუთეულში იყო და მოედანზე 21:48 წუთი გაატარა. შერმადინმა 9-დან 5 ორქულიანი და 2-დან 2 საჯარიმო ჩააგდო, 12 ქულა მოაგროვა და ამას 10 მოხსნა და 1 ჩჭრა მოაყოლა.

გიორგის მარგი ქმედეგის კოეფიციენტმა 19 ერთეული შეიადგინა და ამდენივე ჰქონდა მის თანაგუნდელ ლუკა ბოგდანოვიჩს, რომელმაც 30 წუთში 17 ქულა და 6 მოხსნა მიითვალა.

ანდორელებმა ვერ შეაჩერეს ბელგიელი უკანახაზელი ჯონათან ტაბუ, რომელმაც 28 წუთში 34 ქულა მიითვალა და მადრიდელებს გაამარჯვებინა.

11 მოგებითა და 14 მარცხით „ანდორა“ მე-11 ადგილზეა და ბრძოლას საუკეთესო 8 გუნდში მოსახვედრად აგრძელებს. მომდევნო ტურში, 3 აპრილს, შერმადინის გუნდი სან სებასტიანში ლიგის აუტსაიდერ „გიპუზკოა ბასკეტს“ დაუპირისპირდება.