მადრიდის “რეალის” გულშემატკივრებს თავიანთ საყვარელ გუნდში ტურინის “იუვენტუსის” თავდამსხმელ ალვარო მორატას დაბრუნება სურთ. ავტორიტეტულმა ესპანურმა გამოცემა AS-მა გამოკითხვა ჩაატარა, ისურვებდნენ თუ არა “ბლანკოსის” ქომაგები მორატას “სანტიაგო ბერნაბეუზე” დაბრუნებას, რაზეც გამოკითხულთა 66%-მა დადებითი პასუხი გასცა.

მთლიანობაში აღნიშნულ გამოკითხვაში მონაწილეობა 7 ათასამდე ადამიანმა მიიღო და სამიდან ყოველი ორი ხმა მორატას დაბრუნების შესახებ იყო.

შეგახსენებთ, იმისათვის, რომ ესპანელი ფორვარდი მადრიდში დაბრუნდეს, “რეალს” 30 მილიონი ევროს გაღება მოუწევს.

თავად მორატამ კი მიუნხენის “ბაიერნთან” დიდებული შეხვედრა ჩაატარა და ძალზე აქტიური იყო, 22-ე წუთზე კი უსამართლოდ გოლი არ ჩაუთვალეს. გამოსარჩევია, რომ მასიმილიანო ალეგრი მორატას მიუნხენურ გიგანტთან ორმატჩიან დუელში მხოლოდ 87 წუთი ენდო და როდესაც მორატა მოედანზე იყო, “იუვემ” ბაიერნს” სამი გოლი გაუტანა (ორი მორატას პასით), თავად არ მიუღია, ხოლო დანარჩენი 123 წუთის განმავლობაში, როცა ალვარო სკამზე იყო “ბაიერნმა” მეტოქე დაჯაბა – 6:1...