საქართველოს 17-წლამდე ასაკის ფეხბურთელთა ნაკრები დღეს, ევროპის ჩემპიონატის შესარჩევი ელიტ რაუნდის პირველ მატჩს გამართავს ბოსნია-ჰერცეგოვინის წინააღმდეგ. შეხვედრა მიხეილ მესხის სახელობის სტადიონზე 14:00 საათზე დაიწყება, გულშემატკივართათვის დასწრება თავისუფალია. მატჩის პირდაპირ ტელეტრანსლაციას საზოგადოებრივი მაუწყებლის პირველი არხი გეგმავს.

ამ ჯგუფის მატჩებს თბილისი მასპინძლობს და დღესვე, 16:00 საათზე, "მიხეილ მესხის" სათადარიგო მოედანზე იტალიისა და რუსეთის ნაკრებები ითამაშებენ.

ევროპის ჩემპიონატის ფინალურ ეტაპზე ჯგუფიდან ორი საუკეთესო გუნდი გადის.

ელიტ რაუნდში საქართველოს ნაკრების 18-კაციანი განაცხადი:

მეკარეები: ლუკა გუგეშაშვილი (იაგელონია, პოლონეთი), დავით კერესელიძე (ცხინვალი);

მცველები: დავით კიკალიშვილი (დინამო), ჯაბა კასრელიშვილი (35-ე სკოლა), ლუკა ასათიანი (იაგელონია, პოლონეთი), ლევან ხარაბაძე (დინამო), ლუკა ქაფიანიძე (დინამო);

ნახევარმცველები: ზურაბ გულბანი (ზვოლე, ჰოლანდია), გიორგი კუცია (დინამო), ალექსანდრე ანდრონიკაშვილი (35-ე სკოლა), სანდრო შეწირული (ლოკომოტივი), ზურა დავითაშვილი (დინამო), ნიკა ნინუა (დინამო), გიორგი ჩაკვეტაძე (დინამო);

თავდამსხმელები: ნუგზარ სპანდერაშვილი (35-ე სკოლა), გიორგი ივანიაძე (საბურთალო), ლაშა ოზბეთელაშვილი (ლოკომოტივი), ბექა ქავთარაძე (35-ე სკოლა).

მთავარი მწვრთნელი: ვასილ მაისურაძე

ტურნირის განრიგი:

15 მარტი

საქართველო - ბოსნია ("მიხეილ მესხი". 14:00 სთ.)

რუსეთი - იტალია ("მიხეილ მესხის" სათადარიგო მოედანი. 16:00)

17 მარტი

რუსეთი - საქართველო ("მიხეილ მესხი". 14:00)

ბოსნია - იტალია ("მიხეილ მესხის" სათადარიგო მოედანი. 16:00)

20 მარტი

ბოსნია - რუსეთი ("მიხეილ მესხის" სათადარიგო მოედანი. 14:00)

საქართველო - იტალია ("მიხეილ მესხი". 14:00)