15-20 მარტს თბილისში 17-წლამდელთა ევროპის ჩემპიონატის ელიტრაუნდის ჯგუფური მატჩები გაიმართება. ვასილ მაისურაძის გუნდის მეტოქეები იტალია, რუსეთი და ბოსნია იქნებიან. ორი საუკეთესო გავა ფინალურ ეტაპზე.

იტალიელთა მწვრთნელმა ალექსანდრო დელ კანტომ 24-კაციანი გაფართოებული შემადგენლობა დაასახელა და დღეს შეკრებაზე გადაიყვანა გუნდი, რომელიც 12 მარტამდე გასტანს. 13-ში კი იტალიელები თბილისში ჩამოვლენ. საბოლოო განაცხადი 18-კაციანი უნდა იყოს.

ცნობისთვის, იტალიელებმა თებერვლის შუა რიცხვებში ორი ამხანაგური მატჩი გამართეს, სერბეთს მასპინძლობდნენ და ორივე მოიგეს: 3:1 და 4:2.

ამ ნაკრებში განსაკუთრებულ ტალანტებად მიიჩნევიან პსვ-ს ახალგაზრდული გუნდის ფორვარდი ჯანლუკა სკამაჩია, “მილანის” ასაკობრივი გუნდის მცველი რაულ ბელიანოვა და “ატალანტას” ნახევარმცველი ფილიპო მელეგონი.

მეკარეები: კოპოლა (ტორინო), გრეკო (რომა), პლიცარი (მილანი);

მცველები: ბიანკი, ტრიპალდელი, სანანდრეა (ყველა – იუვენტუსი), სეტოლა (ჩეზენა), ბასტონი (ატალანტა), ბელიანოვა (მილანი), პეკეგრინი (რომა), რანიერი (ფიორენტინა);

ნახევარმცველები: ელია, მალამო, მელეგონი (ყველა - ატალანტა), ოლივიერი (ემპოლი), ფრატესი, მარკუჩი (ორივე – რომა), გაბია (მილანი), მილიტარი (ფიორენტინა);

თავდამსხმელები: კაპონე (ატალანტა), გორი (ფიორენტინა), მოისე კინი (იუვენტუსი), პინამონტი (ინტერი), სკამაჩია (პსვ, ჰოლანდია).