“გრანადაში” სამწვრთნელო ცვლილებაა. კლუბის ოფიციალური ვებგვერდის ცნობით, მთავარი მწვრთნელის პოსტიდან ხოსე რამონ სანდოვალი დაითხოვეს და მის ნაცვლად, ხოსე მანუელ გონსალეს ლოპეში დანიშნეს.

“გრანადამ” კვირას საკუთარ მოედანზე შინ “ვალენსიასთან” წააგო (1:2), რაც ზედიზედ მეოთხე მარცხი აღმოჩნდა და გუნდი ბოლო ადგილამდე დაქვეითდა. ეს კი, ხელძღვანელობამ სანდოვალს აღარ აპატია და კარისკენ მიუთითა.

49 წლის გონსალესი, რომელიც ბოლოს ჩინურ “ბეიჯინგ გუანში” ასისტენტად მუშაობდა, ანდალუსიურ კლუბს სეზონის ბოლომდე უხელმძღვანელებს.