ქართველმა კალათბურთელმა ნიკოლოზ ცქიტიშვილმა ლიბანის ეროვნულ ჩემპიონატში მორიგი დასამახსოვრებელი მატჩი ჩაატარა, თუმცა, მისმა გუნდმა ამჯერადაც წააგო.

ცქიტიშვილის “ჩემპვილი” ერთპიროვნულ ლიდერ “ალ რიადის” დაუხვდა და მისთვის პირველი მარცხი მიყენება ვერ მოახერხა – 88:94.

ნიკოლოზმა მოედანზე 34:54 წუთი დაჰყო და 17 ქულა, 20 მოხსნა (6 შეტევაში), 2 პასი და 1 ჩაჭრა მოაგროვა. ქართველმა ფორვარდმა 11-დან 6 ორქულიანი და 8-დან 5 საჯარიმო ჩააგდო, 2 სამქულიანი ააცილა, ბურთი მხოლოდ ერთხელ დაკარგა, 1 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.

ცქიტიშვილს მასპინძელთა შორის საუკეთესო სარგებლიანობის კოეფიციენტი ჰქონდა, სტუმართაგან კი მისი გარჯა ამერიკელმა აარონ ჰარპერმა გადაფარა, რომელმაც 39:47 წუთში 33 ქულა, 5 მოხსნა, 5 პასი, 6 ჩაჭრა და 2 დაფარება მოაგროვა.

“ალ რიადი” 6 მოგებით პირველ პოზიციაზე დარჩა, “ჩემპვილი” კი ერთადერთი გამარჯვებით ისევ ბოლოსწინა მე-8 პოზიციაზეა. ნიკას გუნდი მომდევნო შეხვედრას 4 თებერვალს, ისევ შინ, “ბიბლოსთან” გამართავს, რომელიც “ჩემპვილს” ერთადერთი მოგებით უსწრებს.