ქუთაისის “ტორპედომ” თურქულ შეკრებაზე პირველი საკონტროლო მატჩი რუმინეთის ნაკრებთან გამართა და ანგარიშით 1:5 დამარცხდა. შეხვედრა ბელეკში “მაქს როიალზე” გაიმართა. (VIDEO)
ქართული გუნდის მოწინააღმდეგე ეროვნულ ჩემპიონატის გამორჩეული ფეხბურთელებით გახლდათ დაკომპლექტებული და პირველი ტაიმში ალექსანდრ შტელინის გუნდმა 3 გოლი გაუშვა.
მეორე ნახევარში რუმინელთა უპირატესობა კვლავ საგრძნობი იყო და ორი გოლი ქუთაისელებმა შესვენების შემდეგ 12 წუთში გაუშვეს. პრესტიჟის გოლი კი ფურცხვანიძემ 88-ე წუთზე გაიტანა.
მომდევნო ამხანაგურ მატჩს ქართული გუნდი პრაღის დუკლას წინააღმდეგ 1-ელ თებერვალს გამართავს.
