იტალიის ეროვნული ნაკრების წევრობის კანდიდატი და “მილანის” საკუთრებაში მყოფი სტეფან ელ შაარავი სამშობლოში დაბრუნდა. 23 წლის შემტევი სეზონის დარჩენილ ნაწილს “რომაში” გაატარებს. ამის შესახებ sky sport-ი იტყობინება. “მილანის” ექსფორვარდი უკვე იტალიაში ჩაფრინდა და იტალიურ მედიასთან კომენტარიც გააკეთა:

“იტალიაში დაბრუნება ემოციურია. ახლა ლაპარაკის დრო არაა და უფრო მეტად მუშაობა მმართებს. იმედი მაქვს, ყველაფერი კარგად იქნება, რადგან ყოველივე ჩემს ხელშია”, - თქვა ელ შაარავიმ.

იმედისმომცემი თავდამსხმელი, რომელმაც სეზონის განვლილი ნაწილი ფრანგულ “მონაკოში” გაატარა, “რომაში” 2016 წლის ივნისამდე იჯარის წესით ითამაშებს. სტეფანმა “მონაკოს” რიგებში ლიგა 1-ში 15-ჯერ იასპარეზა და გოლი არ გაუტანია.