მადრიდის “რეალის” გენერალურმა დირექტორმა ხოსე ანხელ სანჩესმა Cadena Ser-თან საუბრისას განაცხადა, რომ რამდენიმე ინგლისური კლუბი ფიფას სასჯელის საფრთხის ქვეშ არიან. “ბლანკოსის” წარმომადგენელმა აღნიშნა, გამოძიება მიმდინარეობს, თუმცა არ დაუსახელებია თუ რომელ კლუბებს ემუქრებათ სასჯელი.

რამდენიმე დღის წინ, ფიფამ “ატელტიკო” და “რეალი” უკვე დასაჯა. ინგლისური გუნდებისთვის ფიფას მკაცრი გადაწყვეტილება უცხო არ იქნება, რადგან 2009 წელს “ჩელსის” გაელ კაკუტას ტრანსფერის გამო პრობლემები შეექმნა.