წარმატებულ თამაშს განაგრძობს საქართველოს ნაკრების კაპიტანი ზაზა ფაჩულია, რომელმაც ნაციონალური საკალათბურთო ასოციაციის მიმდინარე სეზონში მე-14 ორმაგი დუბლი შეასრულა.

“დალასი” შინ “ვაშინგტონთან” 111:114 დამარცხდა.(VIDEO) ზაზა ტრადიციულად სასტარტო 5-ეულში იმყოფება და პარკეტზე 23 წუთი დაჰყო. ამ დროში ფაჩულიამ გუნდს 10 ქულა, 12 მოხსნა და 3 პასი შესძინა. ქართველმა ცენტრმა 8-დან 5 ორქულიანი ჩააგდო და რაც არ უნდა უცნაური იყოს ფაჩულია საჯარიმო ხაზთან არ დამდგარა.

რაც შეეხება უშუალოდ მატჩს, ბოლო წამზე “დალასს” შეხვედრის ოვერტაიმში გადაყვანის შანსი ჰქონდა, დირკ ნოვიცკიმ 3-ქულიანი ესროლა, მაგრმა ბურთი კალათში არ ჩაეშვა. 28-28 ქულით თავიანთ გუნდებში მეთიუსი და პორტერი გამოირჩნენ.

“დალასი” 13 მოგებით და 11 წაგებით დასავლეთ კონფერენციაში მეხუთე ადგილს იკავებს.