“მანჩესტერ იუნაიტედის” მთავარმა მწვრთნელმა ლუის ვან გაალმა განაცხადა, რომ “წითელი ეშმაკები” ჩემპიონთა ლიგის მოგებისთვის მზად არ არიან, თუმცა “ვოლფსბურგის” დასამარცეხბლად ძალა ეყოფათ.

ევროპის პრესტიჟულ საკლუბო ტურნირის ჯგუფური ეტაპის ბოლო მატჩში ინგლისელები გერმანელებს სტუმრად, 8 დეკემბერს დაუპირისპირდებიან.

“ვფიქრობ, ჯერჯერობით “მანჩესტერს” ჩემპიონთა ლიგის მოგება არ შეუძლია. შესაძლოა მომდევნო სეზონში ყველა ტიტულისთვის ვიბრძოლოთ, როდესაც ახალწვეულებით გავძლიერდებით. თუ ყველაფერი გეგმაზომიერად წარიმართება, ყველა მოწონააღმდეგის დამარცხება შეგვეძლება. მართალია პრემიერლიგაში ბევრ მომენტებს ვქმნით, თუმცა ევროპული ტურნირი სულ სხვა დონეა. ბოლო ტურში “ვოლფსბურგის” დამარცხება შეგვიძლია. ითამაშო ინგლისის ჩემპიონატში შაბათს, კვირას დაისვენო და ორშაბათს სხვა ქვეყანაში გაფრინდე, ცუდი განრიგია, თუმცა ვიბრძოლებთ.” – ციტირებს ვან გაალის სიტყვებს Goal-ი.

ჩემპიონთა ლიგის B ჯგუფში გერმანული გუნდი 9 ქულით პირველ ადგილზე იმყოფება და 1 ქულით უსწრებს “მანჩესტერს”. პსვ ლუისის გუნდს ერთი ქულით ჩამორჩება და ბოლოადგილოსან ცსკა-ს დაუპირისპირდება. ამ ჯგუფიდან გამსვლელთა ზუსტი ვინაობა ჯერჯერობით ცნობილი არაა. ორივე მატჩი თბილისის დროით 8 დეკემბერს, 23:45 საათზე დაიწყება.