საქართველოს 17-წლამდელთა ნაკრები ევროპის ჩემპიონატის ელიტ-რაუნდში გავიდა. ბოლო ტურში ქართველებმა 2:2 ითამაშეს უნგრელებთან, ასევე ფრედ 1:1 დასრულდა ჯგუფის პარალელური შეხვედრა სლოვაკეთსა და რუმინეთს შორის. ქართველებმა ჯგუფში მეორე ადგილი დაიკავეს.
არადა, მსაჯის მიერ დამატებულ წუთებამდე საქართველო 1:2-ს აგებდა, ხოლო რუმინეთი სლოვაკეთს უგებდა. წარმოიდგინეთ, საქართველოსთვის მარტო ფრედ თამაში არ კმაროდა, უნდა მოეგო. და ფრედ რომ დაესრულებინათ ქართველებს, მაშინ სლოვაკეთს უნდა გაეთანაბრებინა რუმინეთისთვის.
ყველაფერი საჩვენოდ მოხდა... 82-ე, ანუ დამატებულ წუთებზე თბილისის "ლოკომოტივის" ჭაბუკთა ლიგის გუნდის ფორვარდმა გიორგი ოზბეთელაშვილმა გაათანაბრა და 2:2 მორჩა, სლოვაკებმაც შეაგდეს და იქ 1:1 დასრულდა. იღბალიც ამას ჰქვია...
საქართველო-უნგრეთი 2:2
გოლები: 1:0 ქავთარაძე (21), 1;1 ტიმარი (22), 1:2 ვირადი (44), 2:2 ოზბეთელაშვილი (80+3)
სლოვაკეთი-რუმინეთი 1:1
გოლები: 0:1 კრაიუ (10) 1:1 ალმასი (80+3)
| 1. | სლოვაკეთი | 3 | 1 | 2 | 0 | 6:5 | 5 | |
| 2. | საქართველო | 3 | 1 | 1 | 1 | 8:6 | 4 | |
| 3. | რუმინეთი | 3 | 1 | 1 | 1 | 3:5 | 4 | |
| 4. | უნგრეთი | 3 | 0 | 2 | 1 | 4:5 | 2 |
