“სამტრედიას” აწ უკვე ყოფილი ფეხბურთელი გიგა ბეჭვაია კარიერას “ცხინვალში” გააგრძელებს. ცხინვალელთა ფეისბუქგვერდის ინფორმაციით, ნახევარმცველმა ახალ გუნდთან ერთწლიანი კონტრაქტი გააფორმა.

ბეჭვაიამ 2014-2015 წლების სეზონში იმერული გუნდის მაისურით უმაღლეს ლიგაში 25 მატჩი ჩაატარა და ერთი გოლი გაიტანა. მანამდე კი თამაში თბილისის “ვიტ ჯორჯიაში”, გორის “დილასა” და საჩხერის “ჩიხურაში” მოასწრო.