არნემის “ვიტესის” ქართველმა ფეხბურთელმა ჰოლანდიური გუნდის ქომაგების ნაწილს თავისი მაისურები გადასცა. ამის შესახებ “ვიტესის” ვებგვერდი გვამცნობს. ყაზაიშვილმა გასულ სეზონში 8 ნომრიანი მაისურით ითამაშა, ხოლო მიმდინარე სეზონის დაწყების წინ მან 10 ნომერი აირჩია.
გულშემატკივრების ნაწილს კი ყაზაიშვილის 8 ნომრიანი მაისურები უკვე შეძენილი ჰქონდათ და სწორედ მათ შეხვდა ახალგაზრდა ქართველი ფეხბურთელი სასტუმრო “პაპენდალში”, სადაც ახალი მაისურები უსახსოვრა. მაისურებს ვაკოს ავტოგრაფები ამშვენებდა.
