sportando.com-ის ცნობით, საქართველოს ეროვნული ნაკრების კალათბურთელი ვიქტორ სანიკიძე თურქულ “ანკარა კოლეჯლილერში” გადავიდა. აღნიშნულ ინფორმაციას თურქული კლუბი თავის ოფიციალური ტვიტერის გვერდზეც ადასტურებს. ტრანსფერის დეტალები ჯერჯერობით უცნობია.

2014-15 წლების სეზონში “კოლეჯლილერმა” თურქეთის 16-გუნდიან ჩემპიონატში მე-14 ადგილი დაიკავა და უმაღლეს ლიგაში ადგილი ძლივს შეინარჩუნა.

შეგახსენებთ, რომ სანიკიძე განვლილ სეზონში რუსული “უნიქსის” ღირსებას იცავდა. სანიკიძე “ვთბ” ლიგაში საშუალოდ ერთ მატჩში 4.5 ქულას, 4 მოხსნას და ერთ ბლოკშოთს აგროვებდა.