ვეტერანმა იტალიელმა ნახევარმცველმა ანდრეა პირლომ პორტალ shortlist.com-თან საუბარში განაცხადა, რომ მარიო ბალოტელის ევროპის საუკეთესო თავდამსხმელებს შორის დაბრუნება ისევ შეუძლია.
"ბალოტელი ერთ-ერთი საუკეთესო ბიჭია ვისაც ვიცნობ. მან შეცდომები დაუშვა, მაგრამ იმედი მაქვს მომდევნო სეზონს კარგად ჩაატარებს. მარიოს ყველაფერი აქვს იმისათვის, ევროპაში ერთ-ერთი საუკეთესო ფორვარდი იყოს", - თქვა პირლომ.
მარიო ბალოტელის გასული სეზონი "ლივერპულში" ჩაუვარდა, ხოლო მიმდინარე ზაფხულს გუნდთან ერთად ვარჯიშის ნაცვლად, ინდივიდუალური პროგრამით ემზადება.
