როგორც Daily mail იუწყება, შვედი ფორვარდი ზლატან იბრაჰიმოვიჩი შესაძლოა “მანჩესტერ იუნაიტედის” ფეხბურთელი გახდეს. ჰოლანდიელი მწვრთნელი ლუის ვან გაალი დაინტერესებულია 33 წლის ვეტერანი ფეხბურთელით, რომელსაც ინგლისის პრემიერლიგაში თამაშის გამოცდილება არ აქვს. ამ თემაზე მოთამაშემ მოკლე კომენტარი გააკეთა.
“დავრჩები თუ დავტოვებ პსჟ-ს? ეს საკითხი მინო რაიოლაზეა დამოკიდებული”, – აღნიშნა ფეხბურთელმა Sky Italia-თან საუბარში.
ზლატან იბრაჰიმოვიჩი 2012 წლიდან ფრანგული კლუბის წევრია. ამ დროის განმავლობაში ჩატარებულ 91 მატჩში მის ანგარიშზე 75 გოლია.
