ლონდონის “ჩელსის” ოფიციალური ვებგვერდის ინფორმაციით, “არისტოკრატებმა” მიუხენგლადბახის “ბორუსიაში” დანიის ეროვნული ნაკრების მცველი ანდრეას კრისტენსენი ორწლიანი იჯარის წესით გაუშვა.

ინგლისელებმა აღნიშნული ტრანსფერი მას შემდეგ განახორციელეს, რაც 19 წლის ფეხბურთელმა ლონდონელებთან ახალი 5-წლიანი კონტრაქტი გააფორმა.

ფეხბურთელმა გასულ სეზონში “ჩელსის” 19-წლამდელთა გუნდთან ერთად უეფას ახალგაზრდული ჩემპიონთა ლიგა მოიგო. ფინალში “შახტართან” დაპირისპირებაში 37-ე წუთზე საკუთარ კარში გოლი გაიტანა, თუმცა მისმა გუნდმა შეხვედრა 3:2 მოიგო.

გასულ სეზონში ლონდონური კლუბის რიგებში დანიელს დებიუტი 28 ოქტომბერს ლიგის თასზე “შრიუსბერისთან” მოგებულ (2:1) შეხვედრაში ჰქონდა. კრისტენსენმა აგრეთვე მიიღო მონაწილეობა ასოციაციის თასზე “ბრედფორდთან” წაგებულ მატჩში. პრემიერლიგაში ანდრეასის დებიუტი გასული სეზონის ბოლო ტურში “სანდერლენდთან” მოგებულ (3:1) შეხვედრაში შედგა.