biletebi.ge უეფას ევროპის სუპერთასის ბილეთების ონლაინ გაყიდვას 30 ივნისს 21:30 საათზე შეწყვეტს. ამის შესახებ ინფორმაცია ხსენებულ ვებგვერდზეა განთავსებული.

ბილეთების გაყიდვა 30 ივნისს დილას 9 საათზე დაიწყო და biletebi.ge-ს მონაცემებით 1500 ბილეთი გაიყიდა, ხოლო 143000 გულშემატკივარი რიგშია.

biletebi.ge-ს “ფეისბუქის” ინფორმაციით, სისტემა მომხმარებლის ნაკადს უმკლავდება, მაგრამ რიგის სისტემასთან კავშირში კვლავ შეფერხებაა. ამჟამად, ყველა კატეგორიის ბილეთებია დარჩენილი.