29 წლის ამერიკელმა გამთამაშებელმა რაჟან რონდომ კარიერა შესაძლოა “საკრამენტო კინგზში” განაგრძოს, აღნიშნულ ინფორმაციას RealGm ავრცელებს.

რაჟან რონდო “დალასთან” ერთად წარუმატებელი სეზონის შემდეგ თავისუფალი აგენტი გახდა. წყაროს ცნობით, გამთამაშებელმა “საკრამენტოსთან” შესაძლოა 1-წლიან კონტრაქტს მოაწეროს ხელი.

რონდომ განვლილი სეზონის მეორე ნახევარი “დალას მავერიკსში” გაატარა, სადაც ის გუნდს საშუალოდ ერთ მატჩში 9.3 ქულას, 6.5 პასს და 4.5 მოხსნას სძენდა.