როგორც თურქული გამოცემა Hurriyet იუწყება, პორტუგალიის ეროვნული ნაკრების და “მანჩესტერ იუნაიტედის” საკუთრებაში მყოფი შემტევი ლუიშ ნანი კარიერას სტამბულის “ფენერბაჰჩეში” გააგრძელებს.
ფეხბურთელმა ახალ გუნდთან პირადი დეტალები უკვე შეათანხმა. ნანი 4-წლიან კონტრაქტს გააფორმებს და კვირაში 55 000 გირვანქა სტერლინგს მიიღებს.
თურქული კლუბი მზადაა ფეხბურთელის სანაცვლოდ 6 მილიონი გირვანქა გადაიხადოს და ტრანსფერის განსახორციელებლად საბოლოო დასტური “ფენერბაჰჩემ” “წითელი ეშმაკებისგან” უნდა მიიღოს.
გასულ სეზონში ნანი ლისაბონის “სპორტინგში” გახლდათ განათხოვრებული. პორტუგალიელმა 38 მატჩი ჩაატარა, გაიტანა 12 გოლი და 8 საგოლე გადაცემა შეასრულა.
