“ბარსელონას” ყოფილმა ვარსკვლავმა ჩავი ერნანდესმა, თავის თანამემამულის იკერ კასილასის შესახებ ისაუბრა. ჩავი გაკვირვებულია, თუ რატომ აქვთ “რეალის” გულშემატკივრების იკერის მიმართ უარყოფითი დამოკიდებულება.
“კასილასი “რეალის” სიმბოლო და სახეა. ვერ გავიგე, რატომ იყო სტადიონზე მის მიმართ უარყოფითი დამოკიდებულება. როცა ეს ვნახე ძალიან შევწუხდი. კასილასმა “რეალს” და ესპანეთის ნაკრებს ბევრი რამ მისცა. ჩვენ დიდი ხანია ვმეგობრობთ და ის ჩემთვის განსაკუთრებული ადამიანია. ესპანეთთან ჩვენ ბევრი მოგვიგია და ბევრიც წაგვიგია”, - ჩავის სიტყვებს AS ციტირებს.
