ესპანეთის პრიმერა დივიზიონის ბინადარი "ვალენსია" მეკარის პოზიციაზე გაძლიერებას გეგმავს. "ღამურებს" ძირითადი შემადგენლობის წევრი ბრაზილიელი დიეგო ალვეში დაშავებული ჰყავთ და თამაშს ვერც სეზონის სტარტზე მოახერხებს. მესტალიელები სწორედ მის შემცვლელს ეძებენ.

გამოცემა super deporte-ს ცნობით, ესპანური გუნდის თვალთახედვის არეში ინგლისური "მანჩესტერ იუნაიტედის" კიპერი ვიქტორ ვალდესი მოხვდა. ვალდესი "წითელი ეშმაკების" ძირითად შემადგენლობაში ვერ ხვდება და ბოლო ერთი სეზონი სათამაშო პრაქტიკა საერთოდ არ ჰქონია.

ვალდესს კარიერის საუკეთესო წლები კატალონიის "ბარსელონაში" გაუტარებია, რომლის ღირსებასაც 2002-2014 წლებში იცავდა.