მადრიდის “ატლეტიკოს” 31 წლის თავდამსხმელმა ფერნანდო ტორესმა Sky Sport-თან საუბრისას განაცხადა, რომ “ატლეტიკოში” კარიერის დასრულება უნდა.
“მინდა კარიერა “ატლეტიკოში” დავასრულო. სწორედ აქ დავიწყე ყველაფერი, საუკეთესო წლები მადრიდში გავატარე. ვგრძნობ, რომ ჩემთვის აქ კარიერის დასრულება კარგი იქნება”- განაცხადა ტორესმა.
შეგახსენებთ, რომ “ელ ნინიო” 2001-2007 წლებში “ატლეტიკოში” თამაშობდა, სადაც 214 მატჩი ჩაატარა და 82 გოლი გაიტანა. შემდეგ ის “ლივერპულში”, “ჩელსიში” და “მილანში” გამოდიოდა. 2015 წლის დასაწყისში იჯარის წესით თავდამსხმელი მშობლიურ კლუბს დაუბრუნდა.
