ტურინის “იუვენტუსის” ბრაზილიური წარმოშობის ნახევარმცველი რომულო, თეძოს ტრავმის გამო სეზონის დარჩენილ ნაწილს გამოტოვებს.

კლუბის ოფიციალური საიტის ცნობით, 27 წლის ფეხბურთელს სრულფასოვანი სამედიცინო გამოკვლევა ჩაუტარდა, რომელმაც კუნთების პრობლემა დაადასტურა.

მიმდინარე სეზონში რომულომ მხოლოდ 5 მატჩში მიიღო მონაწილეობა. გასულ სეზონში ტურინელებმა ის “ვერონადან” ინათხოვრეს, 6 მილიონი ევროს სანაცვლოდ გამოსყიდვის უფლებით, თუმცა, სტატისტიკის მიხედვით თუ ვიმსჯელებთ, ძნელად სავარაუდოა “იუვენტუსმა” ამ უფლებით ისარგებლოს.