მადრიდის “რეალის” უელსელმა შემტევმა გარეთ ბეილმა ტურინის “იუვენტუსთან” 2-მატჩიანი დუელის წაგების შემდეგ, განაცხადა, რომ “რეალს” ესპანეთის ჩემპიონატის მოგების შანსი ჯერ კიდევ აქვს.
“იმედგაცრუებულები ვართ. ნამდვილად შეგვეძლო ფინალში გვეთამაშა და შესაძლებლობა გვქონდა ჩემპიონთა ლიგის თასი მოგვეგო, მაგრამ ეს არ მოხდა. მომდევნო სეზონში კვლავ შევეცდებით აღნიშნული ტურნირის მოგებას. კვლავინდებურად გვაქვს შანსი, რომ ესპანეთის ჩემპიონატი მოვიგოთ. ყველაფერს გავაკეთებთ, რომ ამას მივაღწიოთ”, - განაცხადა ბეილმა.
