“ბაიერნსა” და “ბარსელონას” შორის მიუნხენში გამართული ჩემპიონთა ლიგის საპასუხო ნახევარფინალური მატჩის (3:2) შემდეგ, კატალონიელთა ცენტრალურმა მცველმა ხერარდ პიკემ მომავალ ფინალზე ისაუბრა. “ბარსელონამ” ბაიერნი” ორი მატჩის ჯამში 5:3 დაამარცხა და ჩემპიონთა ლიგის ფინალში გავიდა.

“დიდებული იქნება, თუ ფინალში მადრიდის “რეალს” შევხვდებით, ეს მატჩი ისტორიაში შევა. ჩვენ შევქმენით ეპოქა და მიხარია, რომ ამ გუნდის ნაწილი ვარ. ფინალში გავედით, ჩვენ დიდხანს ვემახსოვრებით ხალხს, ახლა კი ამ მომენტით ტკბობის დროა”- განაცხადა პიკემ

შეგახსენებთ, რომ დღეს თბილისის დროით 22:45 საათზე ჩემპიონთა ლიგის მეორე ნახევარფინალური მატჩი გაიმართება - “რეალი” მადრიდში “იუვენტუსს” მიიღებს. პირველი მატჩი ტურინში “იუვეს” გამარჯვებით 2:1 დასრულდა.