ტურინის “იუვენტუსისა” და მადრიდის “რეალის” მატჩის დასრულების შემდეგ, რომელიც იტალიურმა გრანდმა 2:1 მოიგო, ესპანელთა მთავარმა მწვრთნელმა კარლო ანჩელოტიმ “სქაი სპორტთან” საუბარში განაცხადა, რომ მისთვის გასაკვირი არაფერი მომხდარა და ისეთი “იუვენტუსი” იხილა, როგორსაც ელოდა.

“ეს იყო “იუვენტუსი”, რომელსაც ველოდი, ძალზე ორგანიზებული. ჩვენ კი ბევრ ეპიზოდში არ გაგვიმართლა. ასე იყო პენალტის დროსაც, როცა კონტრშეტევა გამოგვეპარა, ასე იყო მაშინაც, როცა ბურთი ხარიხას მოხვდა. საპასუხო მატჩში სხვა “რეალს” იხილავთ”, - თქვა იტალიელმა სპეციალისტმა.

საპასუხო მატჩი კი ზუსტად ერთ კვირაში, 13 მაისს, “სანტიაგო ბერნაბეუზე” გაიმართება.