რუსეთის 17 წლამდე ფეხბურთელთა ნაკრებში, რომელიც ბულგარეთში ევროპის ჩემპიონატზე იასპარეზებს, მოსკოვის “ლოკომოტივის” ნახევარმცველი გიორგი მახათაძე ითამაშებს.

17 წლის ფეხბურთელი რუსეთის მოქალაქეა და მოსკოვის “ლოკომოტივის” აღზრდილია. სხვათა შორის, რუსებმა ევრო-2015-ზე გამოსვლის უფლება მისი გოლით მოიპოვეს.

ელიტრაუნდში ავსტრიელებთან დასკვნით მატჩში მახათაძემ პენალტი გამოიყენა და ანგარიში გაათანაბრა - 1:1. აღებულმა ქულამ კი, მიხაილ გალაკტიონოვის შეგირდებს ევრო-2015-ის საგზური მოუტანა.