საქართველოს საკალათბურთო ნაკრების მსუბუქი ფორვარდი ბექა ბურჯანაძე 2015 წლის ნბა-ს დრაფტში მიიღებს მონაწილეობას. ამ საკმაოდ მოულოდნელ ინფორმაციას პოპულარული DraftExpress-ის რედაქტორი ჯონატან გივონი ავრცელებს.
აი, რას წერს ის თავისი ტვიტერის საშუალებით: “ზაზა ფაჩულიას მამიდაშვილი ბექა ბურჯანაძე, რომელიც 1994 წელს გახლავთ დაბადებული და კომბო-ფორვარდის პოზიციაზე ესპანეთის ლებ-გოლდში თამაშობს, დრაფტზე განაცხადს გააკეთებს”.
ცნობისთვის, ბექამ მიმდინარე სეზონი “ლეიმა ბასკეტ კორუნას” რიგებში გაატარა და საშუალოდ 12.7 ქულას აგროვებდა, რაც მთელს ლიგაში მე-3 მაჩვენებელი იყო.