მადრიდის “რეალის” მთავარი მწვრთნელი კარლო ანჩელოტი “ატლეტიკოსთან” “ვისენტე კალდერონზე” გამართული ჩემპიონთა ლიგის პირველი 1/4-ფინალური მატჩის (0:0) შედეგით უკმაყოფილო დარჩა.

“ვფიქრობ 0:0-ზე მეტი დავიმსახურეთ, ეს განსაკუთრებით პირველ ტაიმს ეხება, სადაც “რეალი” დომინირებდა. მეორე ტაიმში “ატლეტიკომ” ზეწოლა გააძლიერა და ბურთის კონტროლი გაგვიჭირდა. არ ვფიქრობ, რომ კარგ შედეგს მივაღწიეთ, მაგრამ ეს რეზულტატი, ცუდ შედეგებს შორის საუკეთესო იყო. “ატლეტიკო” დაცვაში მსოფლიოში ერთ-ერთი საუკეთესო გუნდია. მათი მეკარე, ობლაკი მთელი მატჩის განმავლობაში მოწოდების სიმაღლეზე იდგა. ყველაფერი ერთი კვირის შემდეგ “სანტიაგო ბერნაბეუზე” გაირკვევა”- განაცხადა კარლო ანჩელოტიმ.

ამ გუნდებს შორის განმეორებითი მატჩი 22 აპრილს “სანტიაგო ბერნაბეუზე” თბილისის დროით 22:45 საათზე დაიწყება.