“მანჩესტერ იუნაიტედის” მთავარი მწვრთნელის ლუის ვან გაალის თქმით, რობინ ვან პერსი მანჩესტერულ დერბიში მონაწილეობას არ მიიღებს. ფეხბურთელმა ახლახან მოიშუშა ტრავმა, სავარჯიშო პროცესს დაუბრუნდა, თუმცა მატჩისთვის მზად არაა.

“უკვე ორი დღეა, რაც რობინი დაუბრუნდა სავარჯიშო პროცესს, თუმცა ოფიციალური მატჩისთვის მზად არაა. რაც შეეხება ლუკ შოუსა და კრის სმოლინგს, ვფიქრობ, შოუ ვერ მოახერხებს თამაშს, სმოლინგის ასპარეზობა კი უფრო რეალური ჩანს”, - აღნიშნა ჰოლანდიელმა.

შეგახსენებთ “ოლდ ტრაფორდზე” 12 აპრილს ინგლისის პრემიერლიგის 32-ე ტურის მატჩში “მანჩესტერი” თანაქალაქელ “სიტის” უმასპინძლებს. შეხვედრა თბილისის დროით 19:00 საათზე დაიწყება.