კატალონიური “ბარსელონას” მთავარი მწვრთნელი ლუის ენრიკე არ ფიქრობს, რომ “კლასიკოში” 2:1 გამარჯვებამ და მადრიდის “რეალთან” მოპოვებულმა 4-ქულიანმა უპირატესობამ, მის გუნდს ჩემპიონის ტიტული გაუნაღდა.

“რეალი” ყველა ჯილდოს პრეტენდენტია. ის ჩვენი დონის მოწინააღმდეგეა, მაგრამ ეს გამარჯვება დავიმსახურეთ და მინდა მივულოცო მოთამაშეებს, რომლებმაც დიდი ბრძოლა გადაიტანეს. კმაყოფილი ვარ. მეტი გოლის გატანაც შეგვეძლო, თუმცა მადრიდელებსაც ჰქონდათ შანსი. წინაა 10 უმნიშვნელოვანესი შეხვედრა ლა ლიგაში, სადაც ყველამ შეიძლება დაკარგოს ქულები. ახლა მწვერვალზე ვართ, რაც სწორედ ისაა, რისკენაც ვისწრაფით. “ბარსელონა” დამსახურებული ლიდერია და ეს მახარებს.

პირველ ტაიმში პრესინგი არ გამოგვივიდა და “რეალი” თამაშს აკონტროლებდა. მეორე ნახევარში მეტოქეს შესაძლებლობები შევუზღუდეთ, გოლმა კი, ძალები შეგვმატა. ეს იყო მსოფლიოს ორი საუკეთესო გუნდის შესანიშნავი მატჩი, რომელშიც დიდებული გამარჯვება მოვიპოვეთ. ავიღეთ უმნიშვნელოვანესი სამი ქულა, მაგრამ არა გადამწყვეტი. პიკე დგას გზაზე, რომელმაც მსოფლიოს საუკეთესო ცენტრალურ მცველად აღიარებამდე უნდა მიიყვანოს. ხერარდი შესანიშნავ ფორმაშია და ვიმედოვნებ, ის ასეთივე განწყობით გააგრძელებს. ლუის სუარესის გოლი კარგი დემონსტრირებაა იმისა, თუ რატომ გადავიხადეთ მასში ამხელა თანხა” - თქვა ენრიკემ.