საქართველოს კალათბურთის ეროვნული ფედერაციის ხელშეწყობით თბილისის კალათბურთის განვითარების კავშირი ორგანიზებას უწევს დედაქლაქის „ბ" ლიგის მატჩებს. ამ ეტაპზე მიმდინარეობს 16 და 18 წლამდელთა ჩემპიონატები, რომლებიც საკალათბურთო აკადემიისა და 53-ე საჯარო სკოლის დაბრაზებში, ძირითადად კვირაობით იმართება.

16-წლამდელთა „ბ" ლიგაში შედარებით მეტი გუნდი მონაწილეობს, ვიდრე – 18-წლამდელებში. 18 გუნდი 2 ჯგუფშია განაწილებული და 2 წრის თავზე საუკეთესო 4-4 გუნდი მერვედფინალში გავა. 16-წლამდელთა „ბ" ლიგაში დაუმარცხებლად ასპარეზობენ „მართვე 2", „ბასტიონი" და „გორი". რეგულარული ჩემპიონატი ჯერ ეკვატორს არ მიახლოებია და გუნდებს მთავარი ბრძოლები წინ აქვთ.

18-წლამდელთა ჩემპიონატშიც 2 ჯგუფია, თუმცა თითოეულში 7 გუნდია თავმოყრილი. ერთადერთი დაუმარცხებელი გუნდი თსუ-2-ია, რომლსაც ჯერჯერობით მხოლოდ 2 მატჩი აქვს გამართული. გათამაშებიდან მოიხსნა თბილისის „ლომები", რომელსაც ყველა მეტოქესთან ტექნიკური – 0:20 წაგება ჩაეწერება.

16 და 18-წლამდელთა „ბ" ლიგის მატჩები მომავალ კვირას, 8 მარტს, საკალათბურთო აკადემიასა და 53-ე საჯარო სკოლის დარბაზში გაიმართება.

www.gbf.ge